BJP Mizoram Pradesh President, Prof. JV Hluna’n zu hmanga \halaite nun tichhetu-ah Congress sorkar chu puhin, Assembly inthlanah an sorkar a rin tawh loh thu, vawiina an party pisaa political session-ah a sawi a, Mizorama sorkar phalnaa zu zawrh te chu state dang a\anga lo kalten a quality a chhiat thu an sawi \hin nia sawiin, zir chiangtuten Mizorama hmeithai tamna chhan pawh zu vang a nih thu an sawi niin a sawi. Prof. JV Hluna chuan, Congress leh MNF sorkar chhungin Mizoramin leiba tam tak a nei a, heti chung hian bat tam chu changkanna tih changchawiin an la bat belh zel niin a sawi a, Falkawna Medical College din tum pawh State Medical College chu a hautak avangin Central Medical College atan siam ni zawk se tih chu an party ngaihdan a nih thu leh, nasa takin a changtlung zawk ngei dawn niin a sawi. Prof. JV Hluna chuan, Congress sorkar hnuaia NLUP leh NEDP chu mi retheite din chhuahna ni sela chuan an party pawhin a thlawp tur thu a sawi a, mahse vote zawnna atan chauha an hman avangin an thlawp thei lo nia sawiin, nakkum Assembly inthlanah an party-in thuneihna a chan chuan, Buhfai kg. 1 cheng 2-in mipui hnena hralh a nih dawn bakah Mizoram leiba neih mek chu ngaihdam a ni dawn nia sawiin, Budget thar hlakin bul an \an dawn niin a sawi bawk.
