Rashtriya Bajrang Dal President, Dinesh Kalita chuan NRC list paihthla tura thuneitute nawr nan tukin dar 5 a\ang khan Assam state tinah nawrh an huaihawt nia sawiin, kum 1971, March ni 24 a\anga Assam mite chhinchhiahna NRC list siam nana hman chu a dik lo va, kum 1951 hmang zawk tur leh chumi hmang chuan NRC siam \ha turin an phut tih a sawi bawk a ni.
Dinesh Kalita chuan ram inrelbawlna dan dik tak anga Assam mi leh sa dik tak te himna tur leh ram dang a\anga sa himna zawnga India ram lut zinga Hindu te chu India khualehtui nihna pe turin thuneitute an ngen tih sawiin, Assam tualchhuak, NRC lists-a chuang lo zawng zawngte a rang thei ang bera NRC-a chuan tir vat turin sorkar an phut tih a sawi bawk.
RBD President hian NRC State Coordinator, Prateek Hajela chu Bangladesh mi nuai engemawzat NRC final list-a thuna, India khualehtui nihna pe-ah a puh bawk a ni.
Dinesh Kalita hian NRC list tihchhuah hnuhnun ber chu siam\hat a nih hma chuan an bei dawn tih a sawi a, a \ul chuan chawngheia nawr pawh an inhuam tih a sawi bawk.
