Sorkar laipuiin mipui kharkhipna thupek a thlah dul chhoh mek avanga zin veivah a awlsam chhoh leh deuh tak avangin, State pawn atanga Mizoram rawn lutte chuan an inkhung hranna, quarantine leh test senso an intum ve a tul tawh dawn.

0
91
views

Disaster management Authority, State Executive Committee Chairman, Chief Secretary chuan vawiin khan thupek a ti chhuak a, mipui khuahkhirhna thlahdul mekah Mizoram State pawn atanga lo lut leh Mizoram mi leh sa zin chhuaka lo haw leh te pawh an thahnem chho zel tih thupekah hian tarlan a ni a. Mizoram mi leh sa, State pawna tangkhang te pawh lak luh kim thawkhat an ni tawh a. hei vang hian hnathawhna leh mimal thila State chhunga rawn lut leh zin chhuaka lo let leh te quarantine leh an hriselna enfiahna kawnga Sawrkar a insenso reng chu tul tawh lova hriat anih avangin State pawn atanga Mizoram rawn lut te chu an quarantine leh test senso mahni intum tawh tura hriattir an ni.

Hetianga quarantine-na senso leh test-na senso mahni-a intum turte hi hlawm hrang hrang, Category, A, B, C, D leh E ah te then an ni a, Lengpui Aiport atanga lo lotte pawhin Quarantine centre an pan dan tur ruahmanna, an zawm tur duan a ni bawk. Ni 14 Inkhung hran chhunga an senso tur an ei man cheng 4200, bakah an awmna hmun nawm dan a zirin, riah man cheng 1400, 2800 leh 7000 te a ni ang a, Quarantine Facility an luh dawnin ni 14 chhung ei leh in man leh an riah man hi DC te hnenah an pe lawk tur a ni.

He thupek hi vawiin tlai khan tih chhuah a ni a, hman nghal a ni ang.