Tripura-ah hian Thawhlehni kalta khan Citizenship Amendment Bill, 2016 duh loh vanga mipui pungkhawmte Police ten an kap hliam a, Tribal hnam hrang hrangte hian BJP sangawizawnpui, Indigenous Nationalist Party of Tripura, INPT CM Biplab Kumar Deb chu bang turin an phut a, High Court roreltu-in thil thlen dan a chhui chian an phut bakah, police-in an kah hliamte hnenah zangnadawmna cheng nuai 20 pek an phut bawk a ni. Tripura-a buaina chhuahna hmun hrang hrangah hian Tipura State Rifles bakah CRPF leh Assam Rifles leh Tripura Police-te venhim hna thawk tura thawn darh an ni tawh a, state sorkar chuan internet hman theih lohin a la dah mek bawk a ni.
Puan tawh angin Congress leh eptu lam party dangte’n nasa taka an sawiselna karah Thawhlehni kalta khan Citizenship Amendment Bill, 2016 chu Lok Sabha-ah pass a ni a, he bill hian Bangladesh, Pakistan leh Afghanistan a\anga raltlan \henkhat chu khua leh tui nihna pek a tum a ni.
