Congress in PM modi leh Defence Minister Nirmala Sitharaman te lakah Privilege Motion an pu lut.

Motion hi Lok Sabha ah vawiin khan an thehlut a, Prime Minister Narendra Modi leh Defence Minister Nirmala Sitharaman te chu Rafale Aircraft chungchanga inremna siam danah thu dik lo house hrilhah an puh a, rorel inkhawm hun khaihlak, zero hour-ah Congress hruaitu Mallikarjun Kharge chuan motion hi pulutin Speaker Sumitra Mahajan hnenah PM thil tih dan chu Privilege committe ngaihtuah tir turin a ngen a ni. Congress hruaitu dang Jyotiraditya Scindia chuan Rafale chungchanga India leh France in inremna siam danah eirukna nasa tak a awm nia sawiin, Defence Minister Nirmala Sitharaman chu thu dik lo sawiah a puh a, a chungchang chu privilege committee ngaihtuah tura chhawp chhuak turin a ngen ve bawk. Speaker Sumitra Mahajan chuan Privilege motion putluhte hi zirchian mek a nih thu a sawi a, hetihlai hian BJP MP Anurag Thakur chuan Congress President Rahul Gandhi lakah privilege motion hi a pulut ve bawk a, Rahul Gandhi chuan Rafale inremna chungchangah house ah thu dik lo a sawi niin a sawi ve bawk a ni.