India Gandhi kahhlum a nih champha pualin hun hmang

0
465
views

Vawiin hi PM hlui, Indira Gandhi kahhlum a nih atanga kum 33-na a ni a, a pualin hmun hrang hrangah hun hman a ni a, Congress party hruaitu leh Indira Gandhi tupa, Rahul Gandhi chuan a pi-in lo sawi fo thin sawi nawn lehin, ngaihdamna hi huaisenna a ni a ti a, PM Narendra Modi pawhin Pi Gandhi-i chu hnam rohlu tiin chibai a buk ve bawk a ni. Kum 1984 October ni 31 khan Indira Gandhi hi amah veng tura ruat Sikh sipai pahnihte chuan an kah rawn a, pistol-a vawi thum kah a nih bakah, puak rang silai, Sten Sub-Machine Gun in vawi 30 kah a ni bawk. Indira kaphlumtute zinga pakhat zawk hi Commando ten an kaphlum ve nghal a, pakhat zawk hi a hliamte damdawi ina enkawl a nih hnuah, anmahni fuihpawrhtua puh, midang pakhat nen thi tura an chungthu rel a ni ta a ni.