Ayatollah Ali Khamenei chuan nuclear ralthuam leh missile chungchangah inhmuthiam lovin Iran leh US inkar boruak hi \ang hle mahse indo an tum loh thu a sawi a, hetihrual hian US nena indawra nuclear ralthuam chungchanga inremna siam erawh an tum chuang lo tih a sawi.
Mike Pompeo pawhin Iran nena indo an tum loh thu a sawi a, heihlai hian America sangawizawnpuite beih an nih chuan a rul tawkin an chhanglet ang tih Iran chu an vaukhan tawh tih a sawi. US lam \ang Saudi Arabia nena inbei mek Yemen-a Huthi hel pawl te Iran-in a \anpui chungchangah Pompeo chuan Huthi hel pawlte hian Russia leh US mi te tlawh \hin hmunte an bei tih sawiin, an missile te hian Russia mi emaw US mi emaw a kapfuh thei a ni a ti a, Iran chu khawvel ram hrang hrangte inawpna dan zawm tura an duh thu a sawi a ni.
US Indo thlawhna phurtu sipai lawng chu Middle East-ah hian dah a ni a, sipai 120,000 thawnlut anga thu thang chu Donald Trump-a chuan thu dik lo a ni tih a sawi.
