Israel Prime Minister Benjamin Netanyahu-a’n Israel in West Bank a luah mek laia hmun \henkhat Israel ram chhunga rin luh hlen a tum thu a puan chu Russia in a sawisel a, Israel Prime Minister leh Russia President ten hemi chungchang hi an sawidun dawn.

0
40
views

Israel Prime Minister Benjamin Netanyahu leh Russia President Vladimir Putin te hi Russia tuipui kam khawpui Sochi-ah an inbe dawn a, Russia foreign ministry chuan West Bank chungchanga Israel thil tih tum dan chuan boruak a ti alh hluai thei dawn tih sawiin, hei hian Israel leh a \henawm Arab ramte inkara remna zawn mek pawh a ti bahlah thei a ni tih a lo sawi tawh a ni.

Russia hian Netanyahu-a thil tih tum chuan Arab ramte-ah nghawng \ha lo tak a neih dawn avangin Israel leh Palestinian te chu rang taka an inbiak a \ul a ni a ti bawk.

Tun thla ni 17-a inthlanna neih turah hnehna chan leh ngei tumin Netanyahu hian hnehna a chang leh a nih chuan Jordan phairuam leh Dead Sea hmar lam ram te chu Israel ramah rin luh a nih tur thu leh Insrael ram chhung ngheta puan a nih tur a nih tur thu Thawhlehni khan a sawi a, hei hi Palestinian bakah Arab ramte leh United Nations leh European Union te chuan an sawisel nghal a ni.