Kashmir chungchanga inbiakna reng reng chu Pakistan nen chauha neih tur a ni tih India in a sawi chiang.

0
148
views

External Affairs Minister S Jaishankar chuan US Secretary of State Mike Pompeo nen Thailand-a an inkawmnaah India ngaihdan leh dinna hi a sawi chiang a, hemi hmalam hian US president Donald Trump-a chuan India leh Pakistan inkara inbiakna a awm theihna tura hmalak a inhuam thu a lo sawi chhuak tawh a ni.

Jaishankar hi Thailand-ah hian ram hruaitute intawhkhawmna chi hrang hranga tel tura kal a ni a, heng zingah hian ASEAN-India Ministerial meeting te, 9th East Asia Summit te, ASEAN Regional Forum leh Mekong Ganga Cooperation Ministerial Meeting te pawh a tel a, US Secretary of State Mike Pompeo hi East Asia Summit Foreign Minister Bangkok-a neihnaah kawmin India dinna hi a hrilh a ni.

Tun hi Kashmir chungchanga Donald Trump-a’n palai a inhuam thu a sawi chhuah avanga inhnialna chi hrang hrang a thlen hnua India aiawh leh US aiawhte inbiak lehna hmasa ber a ni.