Kerala Health Minister KK Shailaja chuan Nipah Virus kai nia rinhlelh zirlai pakhat thisen sample hi National Institute of Virology Pune ah thawn anih hnuin he virus hi a kai ngei a ni tih finfiah a ni a ti a, he zirlai hi Kochi damdawiin pakhatah enkawl mek a ni. Zirlai dam lo hi a dinhmun a \ha a, he zirlai nena in be hnai leh lo inkawm hnai mi 86 te chu an dinhmun zirchian mek a ni.
Kerala Health Minister KK Shilaja hian Kochi ah chanchinbumite kawmin, mipuite chu chiai lo turin a chah a, he virus hi a darh zel lohna turin damdawi lam thiamte chuan ngun takin an vil reng a ni a ti.
Central Health Minister Dr Harsh Vardhan pawhin Kerala Health Minister nen an inbiak pawh reng thu sawiin central sorkar chu a \ul apianga Kerala sorkar \anpui turin a inpeih a ni a ti. Nipah Virus hi ransa a\anga mihringin a kai theih, hri anga leng thei a ni a, bak chu a pu darhtu lian taka ngaih a ni.
