Kum 2014-a Donald Trump-a inthlan campaign-ah Russia a inrawlh em tih chhuina Special Counsel Robert Mueller-a report chu April thla laihawl-ah tlangzarh a ni dawn.

Democrat te’n report pumpui tlangzarh tura an nawr hnuah kar hmasaa Mueller-a report khaikhawmna ti chhuaktu Attorney General Bill Barr-a chuan Congress leh mipuite chhiar ve theiha report hi siam \ha a tih thu a sawi a, reportah hian Special Coucil-in a thil hmuhchhuah te, a endikna te leh a tawpa a ngaihdan a siam dante a inziak tih a sawi a, phek 400 dawna chhah a ni a, mipui te laka thil thup ngai te la chhuakin Mueller nen report hi tlangzarh theih turin an endik mek a ni tih a sawi a, tuna a thlen chinah chuan April laihawl vela chhawp chhuah a nih theih a rin thu a sawi a ni.