Lok Sabha inthlanpui-a Delhi-a bial 7 an hloh vek hnu lawkah Chief Minister Arvind Kejriwal-a’n Delhi hmeichhiate chu khawpui chhunga an veivahna senso tumsak vek an ni dawn tih a puang.

0
64
views

He ruahmanna hi Sorkar laipuiin a pawmpui leh phawt a ngai dawn a, thla thum chhunga bul \an a ni dawn tih Kejriwal hian a sawi a, Delhi sorkar chuan kumin chhungin cheng vbc 700 a sen a ngai dawn a ni. Delhi Metro te zinga engemawzat chu central sorkar enkawl a ni a, ticket lei zo leh lei phakte chuan an duh chuan an lei chhunzawm zel ang a, a leina tur nei lo te tan an tumsak zel tihna a ni dawn tih Kejriwal-a hian a sawi a, Metro bakah hian sorkar enkawl khawpui chhunga bus tlanah te pawh hmeichhiate hi a thlawnin a chuang thei dawn a ni a ti.

Kum 2015 a\anga Delhi-a rorelna chelhtu AAP hian tun hnaia Lok sabha inthlanpuiah Delhi-a seat awm zawng zawng a hloh vek a, nakum maia Assembly inthlan hmachhawn tur an nih avangin an dinhmun \ha vak lo theia ngaih a ni a, Assembly inthlan hnuhnung berah khan seat 70 awmah 67 zet an la a ni.