Maldives president hlui Mohamed Nasheed-a chu an ram Parliament Speaker thar atan thlan a ni.

Thla hmasaa inthlan neiha Nasheed-a kaihhruai Maldives Democratic Party te hian seat 87-ah seat 65 an chelh a, MP thlanthar te’n nizan khan Nasheed-a hi an speaker atan an thlang a, an thlanna chu pawmin parliament 19-na chu mipui te pawhin danglamna an hmuh theih khawpin diktaka kalpui a tum thu a sawi a ni. MDP MP Eva Abdulla chu deputy speaker atan thlan a ni bawk a ni. President Ibrahim Mohamed Solih chuan a lawmpui thu sawiin ram mipuite aiawhin Majlis te nena thawhho a nghahhlel thu a sawi a ni.