He pawikhawihna hi United Liberation Front of Assam te’n an tih ah an chhal a, police te sawidan chuan pawikhawihtute hi bike-a inphurin grenade hi Zoo Road-ah hian an vawm a ni. Hliam tam zawk hi an dinhmun a hlauhthawnawm loh a, helai hmun vengtu Sashastra Seema Bal sipai 2 pawh hliam zingah hian an tel a ni.
Assam Chief Minister Sarbanand Sonowal-a chuan he pawikhawihna hi a dem thu sawiin a titu te hi man ngei an ni ang tih a sawi a, Director General of Police Kuladhar Saikia chu thil thleng hi chhui turin thu a pe nghal bawk a ni. Minister engemawzat, DGP leh Guwahati Police Commissioner te’n pawikhawihna thlenna hmun leh hliamte enkawlna damdawi in an tlawh a ni. Sonowal-a hian Guwahati-ah venghimna chungchang sawiho turin police hotu leh Home department-a officer te a ko khawm nghal a ni.
