Pakistan mi, Christian hmeichhia, Asia Bibi chu Islam sakhua tihbawrhban chungchang thubuaiah Pakistan Court-in thiam a chan tir avangin Muslim pawl hrang hrang an lungawi lo hle.

0
207
views

 

Asia Bibi hi fa pali nei tawh a ni a, kum 2010 khan an \henawmte’n muslim a nih ve loh avanga an tui no-a tui a in an phal lo a sawisel avangin, Islam sakhua tibawrhbang-ah puh a ni a, a chungchang ngaihtuahtu Chief Justice Saqib Nasir chuan Islam lehkhabu thianghlim, Koran thuziak chhiarin, dawhtheihna chu Islam bul\hut pawimawh tak a nih avangin Asia Bibi pawh chu dawhtheihna nen ngaihdam a \ul thu a sawi a ni. Court thutlukna hi Tehreek-e-Labaik political party-te chuan nasa takin an sawisel nghal a, Lahore khawpui-ah kawngpui-te dangin anmahni hnawhdarh tum police-te pawh lung nen an bei zui bawk a, an party thuchhuak chuan Asia Bibi chungchang ngaihtuahtu roreltu pathum-te chu thih phu an nih thu a tarlang a ni.