Philippines chhim lama sipai checkpoint pakhatah vawiin khan bomb tihpuah a ni a, mi 5 an thi.

0
302
views

Sipai thupuangtu Lt Col Gerry Besana chuan checkpoint paltlang tum van pakhat sipai leh tualchhung sipai te’n an dap laiin bomb hi tihpuah a ni tih a sawi a, bomb puahna hmun hi muslim tamna thliarkar, Basilan-a Kristian-te awmna khua Lamitan khaw dai-ah a nih thu a sawi bawk a, pawikhawihtu hian manchhuah a hlauh vangin a tum aia hmain bomb hi a tipuak ta nia an hriat thu leh an chhuichian mek thu a sawi bawk a ni. Basilan hi Al-Qaeda mi firfiak pawl peng, Abu Sayyaf mi firfiak pawlte hmunpui a ni a, Philippines sorkar lakah hian kum 10 chuang an hel tawh a, sorkar chhinchhiah dan chuan mi 100,000 an that tawh a ni.