Saudi Arabia lal fapa Mohammed bin Salman leh PM Narendra Modi ten ram pahnihte inpui tawna an thawh ho zelna tur rawtna engemawzat an siam.

0
41
views

An inkawm zawh hnu hian ram pahnihte’n renewable energy sector lama insumdawn tawnna an kalpui zel dan turah te, tuifinriat-a venhimna, dan leh thupek kenkawh, pawisa chheprelh, ruihhlo tawlhruk leh mihring hmanga sumdawnna ven dan turah te, dan lova pem lut leh chhuak ven kawngah te, ram leh ram inkara dan bawhchhiatna thleng \hin tibo tura hmalak an tum thu te an puang a, Prime Minister leh Lalfapa hian Pulwama-a mi firfiakte chetdan chu demin, ramdang te rikrap zawnga chetna chu dem-a, mifirfiakte sum hmanga \anpui ti tawp turin ramdangte pawh an an ngen a ni. UN Comprehensive Convention on International Terrorism chu a rang thei anga pawm vek a pawimawh tih an sawi bawk.

Saudi Arabia hian India hnenah energy, tuialthei, infrastructure, agriculture leh manufacturing sector-ah te dollar tld 100 hmanga sumdawnna bul \an a remti a, Ministry of External Affairs secretary T S Tirumurti chuan he investment hi Saudi Arabia-in India economy-a rinna a nghat zia tihlanna a ni a ti.

Narendra Modi ngennain Mohammed bin Salman hian an ram lung in-a tang India mi 850 chhuah an nih theih nana hmalak a remti a, India Haj pilgrim te quota chu 200,000-ah a tisang bawk a, an rama India hnathawk, an thawhna company te khar an nih tak vanga an rama tangkhang mek te harsatna sutkiansak a tum thu a sawi bawk a, India pawhin Saudi mi te tan e-Visa pawhsei a nih tur thu an puang bawk a ni.