Thailand hmar lam puk pakhata tang football team pakhata mi rawlthar rual 12 leh an coach te chhanchhuah tuma beihna chu tui chim chin sang chho zelin a tibuai hle

0
418
views

Thailand hmar lam puk pakhata tang football team pakhata mi rawlthar rual 12 leh an coach te chhanchhuah tuma beihna chu tui chim chin sang chho zelin a tibuai hle a, tui pump chhuah hna pawh chawlhsan a nih bakah Navy lama tuilut thiamte pawhin an chawlhsan rih.

Heng rawlthar rual kum 11 leh 16 inkar mi te leh an coach kum 25 mi te hian Inrinni khan puk hi an lut a, an chin hriat a awm zui ta lo a ni. Chhanchhuah hna thawktute chuan puk chhung luh theihna hmun dang an dap leh mek a, thuneitute chuan tlang chhip lamah puk pawh tura lei verh an tum mek tih an sawi a, hetihlai hian heng rawlthar rual te hi puk chhung khawi laiah tak nge an tan tih hriat a nih loh bakah nundamin an la awm em tih pawh finfiah theih a ni chuang lo a, rawlthar rual zing ami ten puk an luh hmaa message an thawn chhuah a\anga a lan danin sihdet leh ei tur te an pai tih erawh a hriat theih a, puk chhung lut \hang te chuan tui chim chin chunglamah an tawm thei anih chuan dama chhanchhuah theih an la nih an ring a ni. An luhna puk, Tham Luang hi Thailand-a puk thuk ber palina a ni a, fur ah chuan a chhungah tui a lut nasa thei hle a, rin danah chuan heng rawlthar rual leh an coach te hian puk an luh hnuah a luhna lai chu tuiin a chim tak avangin an tang ta nia ngaih a ni. Chhanchhuah hna thawktute chuan puk luhna tur hmun dang hi nasa takin dap mahse, an la hlawhtling thei lo a, pukah hian hmun hnih a\anga tui a luh reng avangin tui pump kang tumna pawh a hlawhchham zel rih a ni. Britist tuilut thiam pathum leh US sipai \henkhat pawh chhanchhuah hna thawktute pui tur hian Chiang Rai khawpui an thleng tawh a, puk luhna laiah tui chim chin a hniam hret-a luh theih a nih veleh luh an tum dawn a ni.