West Bengal, Odisha leh Kerala ah te tharum thawhna a thleng a, West Bengal ah chuan bandh duty ten motor ke chhia te halin, bus te pawh an suasam a, State pathumah te hian bandh duty ten lirthei te dangin, mipuite khawsak phung an ti khaihlak nasa hle a ni. Central Trade Union CTU hnuaia inziak lut, Trade Union hrang hrang member mi vbc 20 chuangin Bandh hi an huaihawt a, Trade Union te hian Central sorkar hmalakna \henkhat, hnathawktute tana \ha lo nia an hriatte an dodal a ni.
Kolkata ah chuan Trinamool Congress leh CPM worker te an intihbuai avangin buaina a chhuak a, police te chuan mipui hnawhdarh nan tiang an hmang a, Kolkata a\anga km 30 vela hla Barasat ah chuan school bus suasam a ni a, Jadavpur, Sodepur, Rishra leh Uttarpara ah te chuan rel service zawng zawng tihtawp vek a ni.
