UK-a conservative party hruaitu tur thlanna chu a hmawr bawk fel a ni dawn ta a, Conservative party hruaitu hi Prime Minister Theresa May-i thlaktu tur a nih nghal avangin UK Prime Minister thar tur hriat thuai a ni tawh dawn.

Hruaitu thar ni thei tur hi Boris Johnson emaw Jeremy Hunt emaw an ni dawn a, a tu emaw zawk zawk hian Theresa May-i thlakin, Nilaini khian office an luah \an hman dawn a ni Boris Johnson-a chak mai theia a lan avangin Foreign Minister Sir Alan Duncan chu a bang a, Chancellor Philip Hammod leh Justice Secretary David Gauke te pawhin Johnson-a hi prime minister anih chuan ban an tum thu a sawi. Johnson-a hian UK in October ni 31 hmain EU a chhuahsan tur a ni a ti a, Jeremy Hunt erawh chuan EU hi chhuahsan turin a \ul anih chuan la nghah rih hret a duh thu a sawi thung. EU chuan Theresa May-i hunlaia inremna an duan chin bak tawlh a tum loh thu a lo sawi chiang tawh a ni.