Thlipui avang hian mi tam tak nunphung a inthlak nasa hle dawn a, chhungkaw tam takin an neih zawng zawng an chan a ni a ti a, thlipuiin a nuai nat ber hmar thlang lam tuipui kam khuaah te chuan in tam tak a ti chhia a, thing tam tak a tluk avangin kawlphetha pekna te pawh a chhe nasa hle a ni. Hurricane Michael hian Nilaini khan Florida hi a nuai a, darkar khata kilometre 250 zeta chakin thlipui hi a tleh a, khawmual a thlen hnu hian thlipui nat zawng hi a ziaawm deuh a, mi parukin an thih phah a, mitthi tam ber chu Florida mi an ni. Florida bikah hian mi nuai 3 sing 7 vel zet chu hmun him lama insawn chhuak tura tih an ni a, thuneitute chuan mi tam takin he thurawn hi an zawm lo tih an sawi.
Governor Scott chuan US Coast Guard ten chhun zan zawmin \anpui ngaite \anpui hna an thawk a, mi 27 him takin an chhanchhuak tih a sawi.
