US President Donald Trump-a’n phut lawk awm lova Iran nen inbiak a inpeih reng thu a sawi a, anmahni an la inpeih lo zawk nia a hriat thu a sawi.

0
184
views

Trump-a hian he thu hi Italy PM Giuseppe Conte nen White House-a chanchinthar lakhawmtute an kawmna-a a sawi a ni a, inbiakna neih chu an ram pahnih tan mai ni lo, khawvel tan pawha rah \ha thlentu a nih a rin thu te a sawi bawk a ni. Puan tawh angin Trump leh Iran President Hassan Rouhani-te inkar boruak a sosang chho hman hle a, Rouhani hian US chu sakeibaknei mei nena infiam ang a nih thu leh Iran a tih thinrim chuan indona rapthlak tak a chhuah tur thu a sawi hnuah, Trump chuan Iran chu US vauna \awngkam chhakchhuak leh anih chuan tunhma zawnga a la tawrh ngai loh Iran hian a tawrh tur thu-in a chhang ve nghal a ni. Trump hian May thla khan ram dangte nen \angruala US-in Iran thu a lo thlun pui tawh, Iran Nuclear Deal chu inremna \ha tawk lo a ni tiin a lo inhnukdawk tawh a, Iran hi kawng hrang hrangin a hrek zui bawk a, hei vang hian US leh Iran inkar hi a chhe hle a ni.

Trump-a’n Iran nen inbiak a hreh loh thu a sawi hnu lawkah hian Rouhani-a thurawnpetute zing ami, Hamid Aboutalebi chuan inbiakna nei turin US-in hmelma anga en loh phawt a ngaih thu leh Nuclear Deal-a an let leh a ngaih thu a sawi a, tunhma a\ang tawhin US nena inbiak an duh reng thu leh, US President hlui Barack Obama nen phei chuan an inkar a \ha chho hman hle tih thu te a sawi ve bawk a ni. Iran Foreign Minitry thupuangtu, Bahram Ghasemi erawh chuan thawh\anni lamah khan US-in a hmelma-a a ngaih tlat avangin inbiakna an neih theih loh tur thu leh a ni tela US sorkar an rintawk loh zual zel thu te a lo sawi ve tawh bawk a ni.