West Bengal-ah Junior doctor te’n an member pakhatin beih a tawh vanga nawrh an huaihawt chu senior doctor te pawhin an thlawp a, sorkar enkawl damdawiin te harsatna tawk mai thei dinhmunah an ding mek.

0
60
views

Kolkata damdawiin pakhata intern ti lai, doctor pakhat chu damlo pakhat chhungte zing amiin kut a thlak avangin junior doctor te hian nawrh an huaihawt a, senior doctor te pawhin nawrh hi an thlawp avangin sorkar damdawiin-a OPD te chu khar a ni. Damdawiin thuneitute chuan emergency dept bik te chu hawn a ni dawn tih an sawi a, mimal damdawiin-a thawk doctor te pawhin an \hiante lungawi lohna hi an \awmpui thu an sawi avanin mimal damdawiin te pawh engemawchen a nghawng tel a ni.

NRS Medical College leh Hospital ni nghal-ah Thawh\an zan khan damlo chhungte zing ami chuan doctor pakhat hi kut thlakin a luah hliam na tak a tuar a, doctor rual te hian an himna tur ruahmanna \ha zawk siam an phut thu sawiin, an \hianpa in kutthlak a tawrh chungchanga hma la \ha tawk lovah police te an puh bawk a ni. State sorkar chuan doctor te himna tura hmalak a nih tur thu puang nghal mahse, doctor te hian an nawrh an la ti tawp rih lo a ni.