World Health Organization-in kumin chhungin sentut vei za zelah 300-a an pun thu puangin nasa taka hma lak a ngaih thu a puang.

United Nations chuan khawvel ram tinah sentut hi a darh leh nasa tawh hle niin an sawi a, an zirchiannaah 2018 aiin 2019 hian sentut vei hi za zelah 300-in an pung tih an sawi a, WHO chuan case 10 zinga 1 vel chauhin an report \hin avangin vei zat hi tuna an ziahluh chin aia a tam a rin thu a sawi bawk a ni. Kum 2018 April thla khan ram 163-in sentut vei 28,124 an ziaklut a, kumin hian ram 170-in sentut vei 112,163 an ziak lut tawh a, vaccine pek chhuah \hat theih lohna Africa-ah sentut vei hi za zelah 700-in an pung bawk a ni. Sentut hi boruaka lêng, inkaichhawn awlsam tak, khawsik, âwmna leh pangti bawl siam thei a ni a, inenkawlna lama thiamna sang hmangin ram tam takah chuan nuai bo a lo ni tawh a, mahse tunhnaiah vaccine la \ha duh lo an tam avangin a darh leh mek a ni