Alabama-in nau tihtlak khapna bill khauh tak “Human Life Protection Act” a pass hnuah State Representative John Rogers-a thusawiin sawisel a hlawh nasa hle.

0
659
views

He bill hnuaiah hian nu, nau pai chu a hriselna dinhmun a hlauhthawnawm a nih lo chuan naute lungphu hriat theih chin tawh reng reng doctor te’n an tih tlak chuan dan hnuaia hrem an ni thei dawn a, pawngsual vang leh chhungkua emaw, laichin hnai emaw inngaih vanga naupai te pawh ngaihhnathiamna pek an ni lo bawk a ni. US state hrang hrangah nau tihtlak khapna bill chhawpchhuah ni mahse Alabama bill hi a khauh ber a ni.

State Representative John Rogers chuan House-ah hmeichhiate dikna a thlawp thu puangin thu a sawi a, hmeichhiate chuan an mahni taksaah thu an neih \heuh thu te a sawi a, amaherawhchu a thusawinaah hian naupang \henkhat chu hmangaihna tel loa hrina enkawl an nih chuan dan hnuaia thi tura an chung thu rel a ni leh tho \hin a, tunah tihhlum an nih loh pawhin nakina tihhlum tho tur an ni tih a sawi chuan sawisel a hlawh nasa hle a, Alabama Senate Majority hotu Greg Reed chuan a thusawi chungchangah dan hnuaia hremna pek tlak a ni a ti