Durtlang Leitan MUP unit te pawhin YMA Hall-ah Upa te ni an hmang a, a hmanpuitu Education Minister Pu Lalchhandama Ralte chuan, nimin a council of minister \hukhawmin upa te pension tihpun a rel tih a sawi a, tuna an lak lai letin a pung dawn tih sawiin sorkarin upa te a ngaipawimawh hle a ni a ti.

0
340
views

Pu Lalchhandama Ralte chuan, upa te uapnaah Kohhran leh khawtlang chu a nuam \hin a, \hangthar te kuta thil dah mai lova an pawimawhna an hriat thar zel a \ul tih a sawi a, tunlai thiamna thar lo chhuak zelah pawh inkiltawihna nei lo tura inzir zel turin a chah a ni. Pu Lalchhandama Ralte chuan tunlai thangtharte chu zilh leh kaihhruai an ngai hle tih sawiin aia upa zahnate, tlawmngaihna te, chhiatni thatnia awmdan turte hrilh thar thar an ngai hthu te, Mizo nunphungah milian leh mite awm lova khawsa thin ni mah ila, tun hnaiah mahni inngaih pawimawhna a lian sawt hle a, chuvangin nunphung tha, hnam ze mawi thangtharte zirtirtu ni turin a chah a ni. Upate ni hmannaah hian Leitan khawtlang hrauitute, YMA leh HMIP te an tel a, Ward Councillor Pi R Zomuanpuii’n thu a sawi bawk.