Pawisa khawih chingpen vanga man tum mek, Vijay Mallya-a’n London a pan hmain Union Finance Minister Arun Jaitley nen an inhmu nia a sawi chuan titi a ti tam hle a, eptu lam party thawm pawh a ring hle.

0
368
views

 

Puan tawh angin Mallya hruai kir dan tur chungchang London Court-ah ngaihtuah mek a ni a, chanchinthar lakhawmtute’n an kawmna-ah India ram chhuahsan tura hrilhruk a nih leh nih loh zawh a ni a, Mallya chuan Geneva khawpuia meeting nei tura zinchhuak a nih thu leh a zin chhuah hmaa Finance Minister a hmuh thu te leh bank lam nena an inrem theih dan tur ruahmanna a neih te a hrilh niin a sawi a ni.

Mallya thusawi hi Pu Jaitley chuan thudik lo niin a sawi a, Parliament tuala rei lo te an inhmuh bak a kawm loh thu a sawi a, a bula thusawiin awmzia a neih loh thu hrilhin bank thuneitute be zawk turin a hrilh mai niin a sawi bawk.

Congress party President Rahul Gandhi chuan Mallya thusawi hi chhui chian a ngai niin a sawi a, an inkawm lo nia a sawi chungchang pawh hi thudik lo a nih thu leh minute 20 vel \hu chunga an inkawm lai PL Puniya pawhin a hmu niin a sawi bawk a ni.

Hemi chungchang hi Vijay Mallya pawhin a sawi chhuak ve leh a, a thusawi hi chanchinthar lakhawmtute’n an hriatsual deuh thu leh, Jaitley nen hian thu pawimawh em em an sawi hman loh thu leh London pana a zin tur thu chauh a sawi hman thu a sawi ve a leh a ni.

He thu kal zel-ah hian BJP lam pawhin Gandhi chhungkua an bei let nasa hle a, an party thupuangtu Sambit Patra chuan chanchinthar lakhawmtute kawmin Mallya-a company hlui, Kingfisher Airlines chu Gandhi chhungkaw ta a ni a ti a, hemi nemnghehna tur hi lehkha pawimawh phek 18 vel lai an neih thu a sawi bawk a, Congress hotute leh Mallya-te hian kum 2008 leh 2012 te khan loan siam \hat a nih thu te leh a \um hnihna phei chu sorkar laipui ngenna vang a nih thu te, Rahul Gandhi hian Mallya hnen a\angin loan cheng vbc khat a puk thu leh Kingfisher thlawhna-ah te pawh duhsak an hlawh bik \hin niin a sawi bawk a ni.