School Headmaster leh zirtirtu ten zirlaite an zirtirna kawnga hma an sawn theih dan tur zir hona, National Initiative for School Headmaster’s and Teacher’s Holistic Advancement training tia vuah, thawh nga-na zawh fel a ni.

Training-ah hian Primary school leh Middle school a, Headmaster leh zirtirtute an tel a, naupang zirtirna kawnga an hriat tur pawimawh chi hrang hrang leh naupangten nun kawng dik an zawh theihna tura kaihhruai dan turte an zirho ber a, heng zingah hian Information technology lam kaihhnawih te, zu leh ruihhlo laka naupangte an fimhlim theih dan tur te pawh a tel a ni. A kharna inkhawm tawi buatsaihah DIET Principal Pu Lalnuntluanga Hnamte chuan, training a tel zirtirtute chu an thil zirte ti hlawhtling ngei tura inpekna thar nei turin a chah a ni.