Thlipui na takin a nuai hnuah Japan chu lirnghing na tak magnitude 6.6 in a sawi leh a, mi 9 in an thih phah.

0
739
views

 

Lirnghing hian Japan hmar lam a sawi a, hriat theih chinah mi 9 an thih bakah midang \hahnem tak chin hriat lovin an la bo a, chenna in tam tak a chhe bawk. Chhanchhuah hna thawh nan hian helicopter te hman a ni a, lirnghing hian power pekna a tih chhiat avangin chhungkaw maktaduai 3 chuangin power supply an dawng mumal lo a, hmun hniam zual laiah te chuan Tsunami thleng mai thei anih avangin thuneituten mipuite fimkhur turin an hriattir nghal a ni. Chhanchhuah hna hi Self Defence Force mi leh sa sing 2 chuangin an thawk nghal tih sorkar thupuangtu Yoshihide Suga chuan a sawi a, mi sing 2 dangin an belh chhah thuai dawn a ni a ti.

Japan hi thlipui na takin a nuai zo hlim hlawt a, an ram khawthlang lama cheng mi 11 in thlipui avang hian nunna an chan a, chenna in leh thlawhna \umhmun te pawh a ti chhe nasa hle a ni.