Rev. Lalchungnunga hian thupui, ‘Ram rorelnaa Pathian ram tundin’ tih behchhanin thu a sawi a, Politics chu Pathian mite leh rawngbawltute telna tlak loh, bawlhhlawh bawma ngaih a ni \hin chu Mizorama Politics \obul fuh loh vang a ni thei tih a sawi a, Pathian chu thil te ber leh lian ber chenchilhtu, khawi kipa awm a nih avangin, ram rorelnaah pawh a hmun laili ber a chang tur a ni a ti.
Kristiana inchhal zingah ram rorelna kalpui duhdan inkalh tak tak hmuh tur a awm mek tih Rev Lalchungnunga hian a sawi a, Pathian \ihtute chuan mipuite mamawh leh ram hmasawnna an dah hmasa tur a ni a. Chutiang mite chu Mizoramah pawh rorel turin mipuiin an zawng mek a ni a ti. Mizoramah suahsualna leh bawrhsawmna a hluar zel a, thihna rapthkak tak tak a thleng zing hle tih pawh Rev Lalchungnunga hian a sawi a, ram roreltute chu heng thilah hian mawh phurah inngai turin a chah duh tih a sawi.
ZPM Inhlan tharna hi hun hnihah \hen a ni a, hun khatna chu Rev Darchungnunga’n kaihruaiin, Pu Lalliansawta’n a hun hnihna a kaihruai a ni.
