Assam-a tuilian dinhmun chuan ziaawm lam a pan ta

0
868
views

Assam-a tuilian dinhmun chuan ziaawm lam a pan ta a, tun tuma tuilian avang hian mi 74 an thi a, dist. 4-a mi nuai khat chuangin harsatna an la tawk a ni. Assam State Disaster Management Authority sawi danin, tun hnaiah Morigaon district-ah tuilian avang hian mi1 a tel a, hei nen hian kumina Assam tui lian avanga thi zawng zawng hi 158 an ni a, an zinga 8 chu Guwahati-a mi an ni. Tun tuma tuilian hi Morigaon dist.-in a tuar nasa ber a, mi 55,500 velin an tuar a, a dawttu, Nagaon dist-ah mi 43,000 velin an tuar bawk. Tun thleng hian thingtlang khaw 288 chu tuiin a la chim a, thlai chinna ram hectare 12,000 pawh a la chim vek bawk a, thuneituten dist. 5-ah relief camp leh mamawh semna hmun 70 an siam a, hengah hian mi 21,049 an la cheng a ni.