Delhi leh state khawpui zawng zawng, rela chhuntir tum- Union Minister of State for Railways

Union Minister of State for Railways, Rajen Gohain-a’n Delhi leh state khawpui zawng zawng, rela chhuntir tum a nih thu leh hemi zawh fel hun tur hi sorkar laipuiin a ruat fel tawh tih a sawi a, hei hi kut hnathawktuten an thil thar chhuah, man man zawka an harlh theih nana ruahman niin a sawi. Union Minister hian Meghalaya-ah he thu hi sawiin, sorkar laipui thil ruahman hi Meghalaya pawhin nasa takin a thatpui dawn niin a sawi a, khualzin pawh an tam phah dawn nia sawiin, khualzinte hnen atangin state sorkarin sum tam tak a la lut thei dawn niin a sawi bawk. Meghalaya-a rorel lai, Congress kaihhruai sorkar chu sawiselin, state sorkar hian rel kawng lam hi a ngaihtuah lo hle niin a sawi a, nakkuma state assembly inthlan neih a nih hunah sorkar thar a ding dawn nia a sawi bakah, sorkar thar hian rel kawng lamah hmasawnna tam tak a thlen dawn niin a sawi a ni.