British Prime Minister Theresa May i’n US in Steel leh Aluminium-a chhiah a lak a tih san chu chhan tha tawk awm lo leh thil lungawi thlak loh tak a ni tih President Donald Trump a hrilh

British Prime Minister Theresa May i’n US in Steel leh Aluminium-a chhiah a lak a tih san chu chhan \ha tawk awm lo leh thil lungawi thlak loh tak a ni tih telephone-a an inbiakna ah President Donald Trump a hrilh. Donald Trump a hian Steel-a chhiah lak zaa 25 leh Aluminiom a chhiah lak zaa 10-a a tihpun avangin European Union-a tel ram te a ti thinur hle a, British Prime Minister Theresa May hian US, UK leh EU ram te chu ram vehimna kawngah pawha thawk ho an nih avang te, khawvel insumdawntawnna kalphungah pawh thu khat vuaa kal tlang \hin an nih avangin US thil tih dan chu \ha an ti lo tih Donald Trump hi a hrilh a ni. European Union chuan Harley Davidson motorcycle leh bourbon ah te chhiah tih san veah US hi an vau let a, British Trade Minister Liam Fox chuan hetianga mahni ram bil chauh ngaihtuaha hmalakna hian khawvel insumdawntawnna a ti chhe thei mai dawn tih sawiin, British leh European Union ten hma an lak thuai a \ul tih a lo sawi tawh bawk.