Russia President Vladimir Putin a’n Russia in Europe ram te inlungrualna tih chhiat a tum lo a ti

0
770
views

Russia President Vladimir Putin a’n Russia in Europe ram te inlungrualna tih chhiat a tum lo a ti. Austria tlawha a zin chhuah dawnah he thu hi a sawi a, kum khat hnuah Europe ram a tlawh leh hmasak ber tur a ni. Austria ORF station in a kawmna ah Putin chuan European Union chak tak leh thil ti thei tak awmse a duh tih a sawi a, Russia in kum tam tak chhung hlawk taka insumdawntawnna a lo neihpui tawhte an ni a ti. Putin hian Austria President Alexander Van der Bellan leh Chancellor Sebastian Kuz te a kawm bakah sumdawng lian te a titipui bawk ang. Putin-a chuan EU ah buaina a awm chuan Russia chu a tuartu a ni a, Russia in EU \hendarh emaw tih buai emaw a tum lo a ni a ti. Russia in kum 2014-a Crimea a lak avanga EU in a hrekna chungchang chu Austria ram hruaitute nena an sawiho tur zingah a tel dawn nia hriat a ni.