J&K khawpui, Srinagar bula Hindu hmun thianghlim, Amarnath Cave Temple hawn a ni leh ta

J&K khawpui, Srinagar bula Hindu hmun thianghlim, Amarnath Cave Temple hawn a ni leh ta. He temple tlawh tum zinga mi 3000 te chu vawiin khan vailiam an ni a, ni 60 hnu-ah khar leh an ni ang. He temple hi Amarnath puk chhunga awm a ni a, puk luhka leh a chhehvel hi nipui lai tih lohah chuan vur-in a khuh vek avangin tlawhpawh theih a ni ngai lo a ni. He temple tlawh theih a nih thu puanzar a nih rualin thuneitute lam chuan mipuite fimkhur turin an chah nasa hle a, mi firfiak pawlte leh hel pawlte’n an beih mai a hlauhawm avangin, uluk takin thil awmdan an thlithlai reng a, Hizbul Mujahideen mi firfiak pawlte chuan Amarnath Temple tlawh tum-te chu an sakhaw thila zin an nih avangin, an mikhual anga an ngaih thu, an pawl hotupa, Riyaz Naikoo chuan a sawi. J&K police hotu, SP Vaid-a’n mi firfiak pawlte’n Temple tlawh tumte beih an tum nia a sawi chu thu dik tawk lo a nih thu leh tunhma a\ang tawhin Amarnath tlawhtuten beih an tawh ngai loh thu a sawi.