US Judge in thuneitute chu US-a dan lova pemlut nu leh pa leh an fa hmun hranga dah zawng zawng ni 30 chhunga inhmuhkhawm tir vek turin thu a pe

0
319
views

US Judge in thuneitute chu US-a dan lova pemlut nu leh pa leh an fa hmun hranga dah zawng zawng ni 30 chhunga inhmuhkhawm tir vek turin thu a pe.

President Donald Trump-a’n US-a dan lova pemlutte laka ngaihhnathiamna awm lova hmalakna Zero-Tolerance policy a kalpui mek avanga nu leh pa leh an fate \hendarha awm mek te chungchangah court ah hian mi \henkhat an zualko a, court chuan thutlukna lailawk hi a siam ta a ni. Hetihlai hian hetianga chhungkaw tam tak \hen hrana an awm chungchang hi Washington bakah New York leh California Democratic Attorney General ten an khing let mek a ni. May thla tir lam a\ang khan dan lova pemlut nu leh pa tam tak man an nih avangin naupang 2300 chuang chu an nu leh pa te lak a\anga lak hran an ni. Thawhlehni-a thupek siamtu court hi San Diego Federal Judge Dana Sabraw a ni a, Americal Civil Liberties Union ACLU ten nu pakhat a fa an lak hran sakin a ngenna bawhzuiin court ah hian ngenna an thehlut a ni.