Maharastra-a Thane district-ah Nagpur atanga Mumbai lam pana tlan, Duronto Express rel a chesual a, thi leh hliam an awm lo. Tukin zing dar 6:40 vel khan Duronto Express rel hi Thane district-a Asangaon rel station bulah chesualin, rel pindan 9 a let a, he chetsualna thlen chhan tak hi hriat la ni lo mah se, thuhretute chuan helai hmuna tun hnaia ruah sur nasa vanga lei minin rel kawng a nghawng tel vang niin an sawi a, rel chesual avang hian Mumbai leh Thane-a rel tlan dan a buai phah ni a sawi a ni. Tun hi kar 2 chhunga ramchhunga rel chetsualna a thlen vawi thumna a ni tawh a, puan tawh angin, tun thla ni 20 khan Uttar Pradesh-a Muzaffarnagar-ah Utkal Express relin a kawng a zawhsual avangin, rel pindan 14 a let a, he chetsualnaah hian mi 23 vel an thih bakah mi dang 72 vel an hliam a, kar hmasa Nilaini pawh khan UP-a Auraiya district-ah Kaifiyat Express rel a chesual a, mi 100 chuang an hliam a ni.
Chanchin Thar Maharastra-a Thane district-ah rel chesual
