Nilainia India leh China sipai eastern Ladakh-a inepte inkar chu inbiakna hmanga chinfel a ni.

0
19
views

India sipaite hi hi Pangong dil kam hmar lam fang kualin an thawk chhuak a, China sipaiten an lo dang a ni. He dil hmun thuma \hena hmun hnih chu China ram awp chin, Tibet-ah a bet a ni.

Sipaite inepna hi ram pahnih palaite inbiakna neih hnuah
chinfel a ni a, he inepna hi Line of Actual Control an hriat dan inan loh vang a ni ber a, hetiang inepna a thlen hian a chinfel dan tur pangngai a awm sa tih India sipai thupuangtu chuan a sawi.

Ladakh Pangong Dilah hian hun kal tawhah pawh ram pahnih sipaite an lo inep fo tawh a ni.

Kum 2017 August ni 15 khan China sipaiten Pangong dil a\angin India ramri luh an tum a, India sipaite lo dangin hmanraw tel lovin an inphek sual a, an insual lai video pawh tihdarh a ni bawk.

Tun \uma buaina chhuak hian darkar hnih chuang a awh a. China leh India chuan ram inchuh laia dikna an neih ve ve tarlanna banner an tar a, hemi hnu hian an awmna tur hmun ve ve an pan a ni.

India sipaite pui tur hian sipai dang ralthuam keng mi 15 vel lawnga tirh an ni a, indona hmanraw hrang hrang an keng tel a ni.