PM Modi rual hian minister 57 chu rinawmna thu tiam tira lak luh an ni a, an zing a\ang hian Amit Shah, Rajnath Singh, Nirmala Sitharaman, Nitin Gadkari, Smriti Irani, leh Piyush Goyal te tiamin Cabinet minister 24 ruat an ni a, Minister of state 9 chu Independent charge pek an ni a, a dang 24 te chu Minister of State atan ruat an ni bawk a, rinawmna thu an tiam zawh hian PM Modi chuan lawm luhna inkhawm chhimtu ramdang hruaitute a kawm bawk a ni.
Cabinet thar hi tlai dar 5:30 khan an \hukhawm a, minister te portfolio hi sem rin a ni a, BJP President Amit, Rajnath Singh, Nirmala Sitharaman, Piyush Goyal leh Smriti Irani te pawh chanpual pawimawh tak pek an ni. Finance minister \hin Arun Jaitley leh Foreign Minister \hin Sushma Swaraj te’n sorkar an chhuahsan tak avangin chanpual lian tham tak tak 2 a âwl a ni. PM hian Cabinet Committee hrang hrang, Cabinet Committee on Security, Cabinet Committee on Parliamentary Affairs leh Cabinet Committee on Political Affairs-a member-te pawh ruat thuai a nih rin a ni.
