Vawiina Hnam Run inkhawmah thusawiin, Dr. K. Beichhua chuan, Sorkar laipui a\anga Eklavya Model Residential School dinna tur sum an hmuh hmang hian Thingsulthliah, Bilkhawthlir, Zawlnuam, Aizawl Tlangnuam leh Saiha-ah hmalak a ni dawn tih a sawi a, heng zinga hmun \henkhatah chuan hnathawh \an tawh a ni, a ti. He zirna inah hian pawl 6 a\anga pawl 12 thleng zir theih a ni dawn a ni. AH & vety Minister nibawk, Dr. K. Beichhua chuan, tun hmaa vawk natna hri, PRRS leng \hin mah se, tun dinhmunah he natna avang harsatna lian tham thleng ala awm lo niin a sawi a. Ram pawn a\anga ran lakluh khapna chu uluk taka kenkawh a nih thu leh YMA leh Home Department nen thawh hona a nih thu a sawi.
Inthlan hmaa an lo intiam tawh angin zu khapna dan chu tunkar thawhlheni a\anga khan hman \an a ni tih sawiin, Excise Minister, Dr. K. Beichhua chuan, he dan thar hi a hlawhtin theih nan Kohhran, tlawmngai pawl leh mipuite thawhpuina an mamawh dawn hle a ni, a ti a. Ruihhlo leh sualna chi hrang hrang veng turin kumin January thla khan Rangvamualah Excise Outpost thar hawn a ni, hei hian Rangvamual boruak pawh a tiziaawm hle nia an hriat a ni tih sawiin, Zokhawtharah leh Bairabi-ah pawh Out Post thar hawn theih thuai tum a ni a, Excise force tihchak nan sorkarah hnalak phalna dil mek a nih thu Dr. K. Beichhua chuan a sawi.
Inkhawm hi an pawl MNF Adviser, Pu Vaninmawia’n a kaihruai a ni.
