Spain ram atanga indan chungchangah Catalonia bial hruaitute thu a inhmu lo

Spain ram a\anga indan tum mek, Catalonia bial hruaitute thu an inhmu lo \an nia hriat a ni a, Catalonia President, Carles Puidgemont-a’n Spain lak a\anga zalenna puan an tum hnai nia a sawi laiin, Catalonia Business Minister, Santi Vila chuan
Spain sorkar laipui nena an inhmuh thiam lohna chinfel hmasak a rawt a, Spain a\anga zalenna puanin nghawng a neih theih dan tur chu ngaihtuah phawt \ha a ti niin Catalonia chanchinbu, Ara chuan a sawi. Hetih lai hian, he bial hruaitu hlui leh kum 2014-a sorkar phalna la hmasa lova Spain a\anga zalenna puan chungchanga mipui ngaihdan lakna a buatsaih avanga hrem, Artur Mas-a chuan Catalonia chu Spain a\anga indang turin a la inpeih lo niin a sawi a, zalenna puan ringawtah a tawp dawn lo nia sawiin, ram zalen leh intodelh nih a ngai dawn niin a sawi a ni.