America ram thlang lam vau kam kap phak missile en chhin tumin North Korea a inpuahchah mek

0
536
views

North Korea khawpui, Pyongyang tlawha zin, Russia ram hotu pakhat, Anton Morozov-a chuan nimin khan North Korea chu America ram thlang lam vau kam kap phak missile en chhin tumin a inpuahchah mek niin a sawi a, North Korea hian hemi chungchanga a thil ruahmante pawh a hmuhtir niin a sawi. Russia sorkar chanchinbu, RIA sawi danin, Thawh\anni khan Morozov-a leh Russia hotu dang pahnih chuan Pyongyang hi tlawhin, nimin khan an chhuahsan a, an cham chhung khan North Korea sorkar thuneitute nen inkawmin thil pawimawh hrang hrang an sawi ho a ni. Morozov-a hian an thil hmuh leh hriat a\anga chhutin, North Korea chuan tun a\ang hun rei loteah missile a en chhin an rin thu a sawi a, hemi atan hian a inpuahchah mek nia sawiin, an missile hian America ram thlang lam vau kam a kap phak ngei tih finfiahna ni awm tak, chhiarkawp hmanga chhut chhuah sa pawh an hmuhtir niin a sawi a ni.