Meghalya leh Nagaland Assembly inthlan neih tur atan inpuahchahna zo fel thawkhat

Naktuka Meghalya leh Nagaland Assembly inthlan neih tur atan inpuahchahna zawh fel thawkhat a ni ta. Nagaland hmun thenkhat tih loh-ah chuan zing lam dar 7 atanga tlai lam dar 4 thleng vote thlak hun hawn a ni a, Nagaland-a hmun ralmuang lo deuh nia hriat district thenkhatah chuan vote thlak hun hi tlai lam dar 3-ah tihtawp a ni ang. Puan tawh angin State pahnih-te hian Assembly member 60 ve ve an nei thei a, Nagaland bikah chuan NDPP candidate, Neiphu Rio chu chuhpuitu an awm loh vangin tlingah puan a lo ni tawh a, Meghalaya Williamnagar bial inthlan chuhtu zing ami, NCP candidate, Jonathan N Sangma thih vangin, he biala inthlan thulh rih a ni bawk a ni. State pahnih inthlana vote tla te hi thla thar ni 3-ah Tripura inthlan neih zawh tak nen a rualin chhiar a ni ang.