A hun hmain Japan inthlang dawn, tun karah Parliament thiat dawn

0
433
views

Japan PM, Shinzo Abe-a’n a hun hma kum khatah inthlanpui buatsaih a nih tur thu a puang a, Parliament ding lai pawh Ningani khian \hiah a nih tur thu a sawi. Khawvela ram hausa ber pakhat, Japan leh North Korea boruak hi a sosan deuh avang leh, mipui ngaihdan laknaah rorel lai pawl dinhmun a \hat avangin, PM hian sorkar ngelnghet lehzual siam theih a beisei nia ngaih a ni a, inthlanpui neih hun tur hi sawi chiang nghal lo mah se, thla leh, October ni 22 hi a nih mai rin a ni. Japan sorkar hi North Korea sorkar lakah a lungawi lo hle a, sorkar ngaihdan hi mipuiin an thlawp hle tih, mipui ngaihdan laknaah a hriat theih a, North Korea-in tun hnaia he ram chunga missile vawi hnih a kah leh, nuai bova Japan a vauna chungchangah mipui hi an lungawi lo hle a ni. Kar kal ta tawpa Nikkei chanchinbu-in mipui ngaihdan a laknaah chuan za zela 44-in Shinzo Abe-a kaihhruai, conservative Liberal Democratic Party chu vore an tum thu an sawi a, za zela 8 chauhin eptu pawl lian ber, Democratic Party chu an vote tur thu an sawi a ni. Mipui za zela 20 chuan ngaihdan an la siam fel loh thu an sawi a, \angrual pawl thar, Tokyo Mayor, Yuriko Koike-a kaihhruai pawhin thlawp a hlawh viau nia hriat a ni. Shinzo Abe hi Japan PM a nih tirhah khan PM naupang ber a ni a, tunah hian a tlin leh chuan thuneihna a chan vawi li-na a ni dawn a ni. US President, Donald Trump-a nen pawh an boruak a \ha hle, President atana lak luh a nih hma khan Trump Tower-ah an inkawm daih tawh a, khawvel ram dang hruaitute zingah Trump-a laka tlatlum ber pawla ngaih a ni.