AAP hruaitu Manish Sisodia an party laka lungawiloten zar buai

Delhi Deputy CM leh Aam Aadmi Party hruaitu hlun, Manish Sisodia chu vawiin khan party laka lungawi lo, mi 30 velin nasa takin an zar buai a, heng mite hian Madhya Pradesh-a Indore khawpuia AAP mite \hutkhawmnaa Pu Sisodia-a kal tur chu lo dangin zawhna hrang hrang an zawt a, Pu Sisodia hian an zawhna a chhan duh loh avangin an bawh buai zui ta chiam a, hemi hnu hian a hmuna awm ve, AAP mi dangte chuan an hruaitu hi amah bawrtute lak a\ang hian chhanin, Rani Sati Colony-a party \hutkhawmnaah an hruai ta a ni. An party laka lungawi lo zinga mi, Satish Sharma chuan AAP chu mimal company ang maia enkawl nia sawiin, party mi rinawm tak takte pawh thu dik lo hmanga puhchhiat an nih avangin ban an ni \hin niin chanchinbu mite a hrilh a ni.