Arushi Talwar-i thah a nih chungchangah a nu leh pa thiam chantir

India rama tualthahna chanchin ngaihven hlawh ber pakhatah nula, Aarushi Talwar-i thah a nih chungchangah a nu leh pa chu thiam chantir an ni. Hemi chungchangah hian nimin khan Allahabad High Court-in a thuchhuak a puang a, he nula nu leh pa, ha doctor ve ve, Nupur leh Rajesh Talwar hi an fa neih chhun, Aarushi leh an awmpui, Hemraj-a thah an nih chungchangah dam chhung tang tura tih ni tawh mah se, High Court chuan kum 2008 May thlaa he thil thlengah hian mawh an phur ngei tih finfiahna a awm lo niin a sawi. He mite hi Delhi bula Noida-a awm an ni a, nupa hian Dasna jail-ah an tang mek a ni. An fanu, Aarushi ruang hi a mutna pindanah chhar a ni a, a hrawk zai a ni tih hmuh a ni a, an awmpui, Hemraj-a chu an ringhlel hmasa na a, a t<kah ani ruang pawh hi in chungah hmuh a ni ve leh ta mai a ni. Kum 2015 khan Nupur leh Rajesh Talwar te nupa hi court hniam zawkin thiam loh chantirin, dam chhung tang turin a ti a, lung inah khung an ni ta a, anni hian Allahabad High Court-ah an thlen leh a, CBI-in an thiam lohna finfiahna tha tawk a p>k theih t^k loh avangin Nupur leh Rajesh Talwar hi thiam a chantir ta a ni. CBI chuan, he mite inah hian pawn lam mi an l<t tih fiahna engmah a awm loh avang leh, Nupur leh Rajesh Talwar te nupa chauh hi in chhunga awmte zinga him an nih avangin, anni lo hi chu pawi khawihtu an awm thei lo niin a sawi a, mahse High Court chuan hei hi tualthattu ngei an ni tih fiahna tlingah a ngai lo a ni.