Abu Salem-a’n taninah arsa pek thin a ngen

0
438
views

Misual rual hotu Abu Salem-a Portugala man a nih hnua India-a tantir mek in arsa pek \hin a ngen. Portuguese Embassy hotuten a dinhmun an endik laiin Abu Salem hian Taloja Jail hotute chuan sa an pe ngai lova, tihluihna in sa ei ngai lo vegetarian ah an siam lui niin a lo hrilh a ni. Portugal ram aiawhten Abu Salem-a an kawm lai hian IG Prision leh amah enkawltu doctor te, CBI officer leh a dan hremi te pawh an awm ve a, Salem-a danhremi Saba Qureshi chuan jail chhunga chaw an ei chu a chhe hle niin a sawi. Jal SP Sadanand Gaikwad chuan Abu Salem hi arsa an pe ngawt theih lo tih a sawi a, doctor in jail tangte chu artui pek tur a tih chuan pek an ni a, midang tam tak nen an awm ho avangin a bika chawhhmeh pek theih a ni lo a ti. Abu salem hi misual rual hotupa a ni a, Bollywood Film siamtute vau beta sum dil luih ching a ni a, kum 2002 khan Portugal ah man a nih hnuin India ramah la leta a chungthu ngaihtuah a ni a, dam chhung tang tura hrem a ni.