Court-in Nawaz Sharif-a thubuai dang siamsak leh

0
561
views

Pakistan PM ban t^k, Nawaz Sharif-a chu hlemhletna thubuai dang siamsak a ni leh ta a, hei hi a thubuai pathumna a ni. Islamabad-a Accountability Court-in thubuai a siamsak leh t^k hi Flagship Investments leh Pu Sharif-a company dang kaihhnawih a ni a, Pu Sharif-a hi a nupui damlo awmpuiin London-ah awm rih mah se, hausa lutuka puhna thubuai siamsak a nihna hi a ukil, Zafir Khan hmaah court chuan a chhiar chhuak a ni. Puan tawh \hin angin, Panama Papers an tih, mi langsar leh ram hruaitute thil neih, mipui vantlang hriat vak loh en zuituten an puan a\angin Pakistan National Accountability Bureau chuan kum 67 mi, Nawaz Sharif-a hi thubuai a siamsak a, hemi hma, July ni 28 khan Supreme Court-in PM a nihna a\angin a chawlhtir tawh bawk a, vawiina a thubuai chhiar chhuah a nih hnuah hian a ukil, Zafir Khan-a chuan judge, Muhammad Bashir-a hmaah, Sharif-a hian thiam lohna a nei lo niin a sawi. Sharif-a nupui, Kulsoom-i chu a hrawk a cancer avangin London-ah enkawl mek a ni a, vawi thum zai a ni tawh a, Pu Sharif-a hi Pathianni hian Pakistan ramah a haw rin a ni.