Afghanistan rama Herat province thlang lama hmun pahniha bomb puakah mi pahnih an thi a, mi dang eng emaw zat an hliam. Vawiin khan Province Governor thupuangtu, Gelani Fahrad-a chuan Adraskan district-a chil puah bomb phum ruk chu police motor-in a chil puah avangin police officer pakhat a thi niin a sawi a, Shindand district-ah pawh bike-in bomb a chil puak a, civil mi pakhat a thi niin a sawi bawk. He thil thlen hnu hian Kapisa province hmar lamah bike pakhat chu bomb hmanga tihpuah a ni a, civil mi 9 vel an hliam nia hriat a ni. Nimin khan Afghanistan khawpui, Kabul-a Shia muslim biak inah mi firfiak pakhat, berampu anga inthuamin thih chilh bomb a tipuak a, mi 6 an thi a, mi dang 16 vel an hliam a ni.
Chanchin Thar Afghanistan bomb puakah mi 2 thi
