Afghanistan in hapta khat chhung awh tur inkahhai Islamic State leh hel pawl dangte lakah a puang

0
453
views

Afghanistan in hapta khat chhung awh tur inkahhai Islamic State leh hel pawl dangte lakah a puang. President Ashraf Ghani chuan hapta khat chhung awh tur inkahhai hi Eid-al-Fitr puala puan a nih thu a sawi a, inkahhai hi Taliban lamin an pawm ve em tih erawh hriat a la ni lo. Afghanistan-a sakhaw hruaitu pawimawh zual te Kabul-a an inhmuhkhawm hnuah leh tharum thawhna bansan tura mipuite an ngen hnuah inkahhai hi president hian a puang a, sakhaw hruaituten tharum thawhna bansan tura ngenna fatwa an puan chhuah hnu lawkah thih chilh bomb hmangin pungkhawmte hi beih a ni a, mi 7 an thih phah a ni. Ghani chuan sakhaw hruaitute ngenna hi a sorkar chuan a ngai pawimawh tih a sawi. February thla khan Ghani hian Taliban te inbiakna neihpui dan tur ruahmanna a lo puang tawh a, hetah hian Taliban ten tharum thawha chetna an bansan chuan Taliban chu political party pakhat anga pawm theih anih tur thu a lo sawi tawh a, hel pawl lam hian an ngaihdan la sawi chhuak rih lo mahse, hei hi sorkar anga thutlukna lian tham taka ngaih a ni.